Behargintza Basauri eta Etxebarriko udalen udal sozietatea da eta enplegua hobetzea, enpresak sortzen laguntzea eta merkataritza jarduera eta hurbileko zerbitzuak garatzea du helburu.

Behargintza Basauri – Etxebarriko Enplegu Arloaren ekimen guztien xedea da langabezian dauden edo euren lan egoera hobetzea bilatzen duten pertsonen enplegagarritasuna hobetzea. Horretarako, lan merkatuan lanpostu bat lortzeko baldintzetan kokatu ahal izateko beharrezko dituzten baliabideak jartzen zaizkie eskura.

BHGn enplegu orientaziorako egiten diren banakako elkarrizketetan, honakoak egiten dira: diagnostiko pertsonalizatu bat, enpleguranzko ibilbide espezifiko bat sortu, etengabeko akonpainamendua, aholkularitza teknikoa, eta garrantzitsuak izan daitezkeen programa eta prestakuntza aukerei buruzko informazioa eman.

2003an geroztik, zerbitzu honetan artatuak izan dira:

Jarduketa-lerro honen xedea da parte-hartzaileen enplegagarritasuna hobetzea eta lan-merkatuan hobeto kokatzen laguntzea; horretarako, lan-eskaera handia duten sektoreetan kualifikazioa eskainiko duen prestakuntza-plan berezitu bat diseinatzen da.

2019tik aurrera, BHGk lan-baldintzekin eta eskubideekin lotutako edozein gairi buruzko aholkularitza eskaintzen du. Kontratuak, lan eta familia bizitza uztartzea, behin-behinekotasuna, aparteko orduak edo lan-baldintzei eta eskubideei buruzko edozein zalantza argitzen dira zerbitzu hau behar dutenentzat.

Arlo honen xedea da ekintzaileei informazioa eta aholkua eman eta euren ondoan egotea, enpresa sortzeko prozesu osoan; negozio-ideia sortzeko unetik, abian jarri arte. Gainera, beharrezko laguntza eta baliabideak eskaintzen ditugu gure udalerrietako enpresen sendotzea lortzeko.

Lehenengo elkarrizketa presentziala eta banakakoa da eta, beraren bidez, ekimenaren heldutasun maila zein den, sustatzaile taldea zein den, egun horretara arte emandako urratsak zein diren eta ekintzaile bakoitzarentzat egokiena izan daitekeen ibilbidea diseinatu eta proposatzeko beharrezkoa den informazio guztia jasotzen da. Gainera, ekintzailetzarako gaur egun egon daitezkeen dirulaguntza edo laguntza publikoei buruzko informazioa ematen da, bai eta izaera juridikoei edo finantzazioa lortzeari buruzko oinarrizko informazioa ere.

2004az geroztik, zerbitzu hau jaso dute:

BHGk ekintzaileei aholkularitza zerbitzuak eskaintzen dizkie honako aro hauetan: komertziala, ekonomia eta finantzazkoa, marketin digitala eta espazio fisikoak, etorkizunean zabalduko dituzten negozioen arlo garrantzitsuenak indartzeko xedez.

Jarduketa lerro honen xedea da negozio ideia bat dutenei euren enpresa-proiektua landu eta aurrera eramateko beharrezko ezagupenak ematea.

BHGk enpresa-jarduera berrien sorrera bultzatu du Basaurin eta Etxebarrin.

Ibilbidearen lehenengo hiru urteetan, enpresen jarduera sendotu eta lehiakortasuna hobetzeko soluzioak eskaintzen dira.

Ekintzailetza arloaren bitartez, BHGk babesa eman die, 2004 urteaz geroztik, Basauri eta Etxebarri udalerrietan enpresa bat zabaltzeko asmoa zurten ekintzaileei.

Merkataritza Arloak, 2024ko ekitaldian abian jarritakoak, merkatariei zerbitzu profesionalizatuak eskaintzen dizkie profesionalizatzeko eta enpresak eta gizarteak dituen etengabeko aldaketei egokitzeko. Ahalegin handiena merkatari hauen lehiakortasuna indartzen, berrikuntza sustatzen eta digitalizazioranzko bidea errazten egiten dugu.

Bere jarduerako lehen urtean, BHGk bere aurrekontuaren %14 Merkataritza Arloan inbertitu du.

Arlo honetako jarduera nagusiak hiri barrenekoak ez ziren enpresen lehiakortasunaren hobekuntza sustatzekoak izan ziren.

Horretarako, honako alderdi hauek landu ziren:

BHGk azken ekitaldiren batean burututako lana sakonkiago ezagutu nahi baduzu atal honetatik deskargatu ahal dituzu Urteko Jarduera Memoriak.